Tag #2: Bertuahnyo ambo..[versi klate]

Oloss, keno tag pulok..tapi x po..best buddy hok tag ambo..alhamdulillah, oghe hok mulo2 dale list tu . . hehehe ok . . marilah kito samo2 acu tera buat etek gak skalinyo . . bismillahirrahmanirrahim:

5 karo bakpo ambo sero ttuah [lucky] skali jaddi diri ambo ni:

1. Syukur pado Allah yang telah memberikan kepado hamboNyo ini satu keluarga yang cukup bermakno skali buat diri ambo. Wan (mak) ngan Ayah ambo, they are the best, bak kato oghe putih. Wan ambo ni jenis yang suko masok ngan cubo benda baru. Ayah plak jenis senyap skit, tapi alhamdulillah skang ni gege dio lebih banyok daripado Wan. Ha ha ha. Walaupun ambo ngan adik-beradik duk baloh sokmo, tapi kami tetap sayang sama2 kami dan itulah caronyo kami bergembira. Meme bunyi kasar skit tapi standard a, kluargo jenis gege bukan skit tapi banyok. Ha ha ha. Ambo cukup banggo ngan kluargo ambo sor lagi sebab dalam banyok2 kluargo dale dunio, kamilah kluargo hok tergolong dale kluargo BIO. Wan darroh B+, Ayoh plak A+: Kakok AB, Ambo B+, Adik puey O, Adik laki A+. Meme tak dop tandingan a dale ciptaan DIO. -ehh, kalu nok list down banyok beno a. Stakat tu dulu hal kluargo ambo.

2. Ambo ni jenis hok stret forward skit. Nok kato kecek kias2 bukan sokmo2. Ado la tiko2 mari perasaan nok kias2 skali skalo. He he he. Alhamdulillah, ambo ni bukan nk kato banggo ko gapo. Tapi ramai jugo ingat ko ambo, yo la, lebih daripado sore. Ramai la tu. He he he. Paling gembiro hidup ni slepas jumpo ngan rosli, BEST BUDDY. Ado soghe lagi, namo manjo di kalangan saim2 khal, BEST FRIEND. Alhamdulillah, smuanyo telah diatur olehNYO. Ambo doakan yang terbaik untuk best buddy, best friend ngan sahabat2 lain.

3. Ambo raso ambo sangat bertuah. At least, gapo hok ambo nok ambo usaha sebaik yang mungkin, dituruti doa ngan tawakkal. Alhamdulillah, hampir gapo hok ambo nok, ambo dapat. Tapi dop smua. InsyaAllah, kalu tak leh lo ni, akhirat esok. Ambo pun duk pikir jugo, lo ni atas dunio, minta - boleh (dapat), minta - boleh, minta - boleh..TAKUTTTT..takut esok2 akhirat esok tak dapat sebagaimano hok lo ni kat atas dunio. Na'uzubillah, ambo minta dijauhkan segala bendo hok dop molek. Bahagiakanlah ambo ngan keluarga ngan sahabat2 ambo di dunia dan di akhirat, Ya Allah. Amin~

4. Ambo ni jenis mudoh baso kalu demo mudoh baso. Kadang2 tu kalu sero ambo ni payoh baso gak, tegur a, kalu dop jadi, tolong la doakan biar ambo ni dibukakan pintu hati ni balik. Amin. Bukan nk kato sombong ko meto ko gapo bilo nyo payoh baso. Tapi tiko tu la setan2 ramai2 duk atas belakang duk tepuk samo2 pok dio. Na'uzubillah. Dop slalu la. Pah tu ambo raso pok2 demo la lagi bertuah yang ambo dop reti mano nok tolak permintaan oghe len. Dop pandai nak oyak NO!

5. Ngelas skali sebab ambo tak dop gapo doh nak risau. Kalu sero oghe lain spo lbh bagus, dapat gapo hok dio nok, tgk spo nikmat dio dapat lebih banyok - ambo redha dan anggap tu rezeki dio. Kalu ambo dop leh lo ni, mungkin esok, mungkin luso, mungkin tulak. Kalu dapat time akhirat molek sengoti. Sebab hok tiko tu meme kekal abadi doh. Dop kan dok suko kalu lagu tu. Ambo harap ambo dapat perbaiki ngan mollek perangai ke aroh lebih baik luar ngan dale. Marilah samo2 kito berusaha samo dale mengejar keredhaan Allah di dunio ngan di akhirat. Amin~.

Cukup doh kali, kae list banyok2 kae lari daripado topik. Ha ha ha. Oghe nok limo jah. List banyok2 kae x dop oghe nok baco pulok. X po la. Kalu berterusan 3 malam berturut2 pun dop kan habis. Ha ha ha.

"Gapo hok kito buat skali pun biarlah berpado2"